Data Privacy..Kailangan ngayon!

Isang malaking biyaya ang naidulot sa ating lahat nang dumating ang Internet. Lalo at higit sa bahagi ng komunikasyon, ang dating malalayo ay napaglalapit at nagkakaroon ng pagkakataon ang mga magkakamag anak na magkita kita saan man sila naroon sa ibat ibang sulok ng daigdig.

Sa kabila ng maraming kabutihang naidulot nito kaalinsabay rin ang pagkakaroon ng kaugnay na mga negatibong epekto at isa na rito ang privacy.Sa panahon ngayong patuloy na nagiging mabilis ang paglipas nang antas ng teknolohiyang ginagamit natin gaya ng mga smart phones, mga application files, social media accounts at e-commerce mas lalong kailangan nating intindihin ang ating mga ini encode na mga mahalagang detalye sa ating buhay.

Sa pagdiriwang ng unang National Data Privacy Conference na pinangunahan ng National Privacy Commission, ipinaunawa ng komisyon kasama ang Department of Information and Communication Technology, Department of Trade and Industry at mga pribadong software companies ang tunay na kahalagahan ng data privacy para sa buhay, negosyo atbp lalo sa panahon ngayon na madaling makuhanan ang sinuman ng kanyang mga mahalagang detalye sa kabila ng mga makabagong security features na ino offer ng mga software companies.

Sa napipintong pagtulak sa implimentasyon ng Nationa Identification Card para sa lahat ng Filipino, bumalik na naman ang mga agam agam ng ilan na maari nitong labagin ang mga karapatan para sa data privacy.

Maaring tama nga ang mga kritiko sa unang tingin dahil pangunahing mga detalye sa buhay natin ang napipintong mai encode sa nasabing ID gaya ng biometrics (Retina, Fingerprint atbp) kaakibat pa nito ang pangalan, araw ng kapanganakan, tirahan at contact numbers. Habang ang nakikita nang marami na mabuting maidudulot nito ay magkakaroon na lamang ng isang unified Identification Card na maaring gamitin sa mga transaksyon sa gobyerno man o pribado gaya ng bangko.

Sa kabila nito ay maarin din naman itong gamitin para i profile ang mga sinasabing kaaway ng estado upang maagapan sakaling may gawin silang maaring maka sama o makapagdulot ng kaguluhan sa maraming tahimik na mamamayan. Sa huli, wika nga ni Chairman and Commissioner ng National Privacy Commission raymunt Enriquez-Liboro sa panayam ng www.diaryongtagalog.net-DZMJ ayaw man nating gawin ay kailangan nating maging makasarili.
Hindi umano makakabuti para sa atin ang pagse share ng ating mga mahalagang detalye sa social media dahil maari natin itong ikapahamak, hindi dapat iisa lang ang passwords para sa ibat ibang social media at email accounts, hindi dapat maniwala sa lahat ng sinasabi sa internet kailangang alamin kung reputable ba ang pinagkukuna ng impormasyon, ang 1st national Data Privacy Conference ay ginanap ngayong 28 at 29 ng Mayo, 2018 sa Philippine International Convention Center.

Sa european Union countries isinusulong ang General Data Protection Regulation (GDPR)dito naman sa atin ay PSST!!! o ang Privacy, safety, Security and Trust online.///larawan at text ni Michael Balaguer, 09333816694, michaelbalaguer@diaryongtagalog.net