ANGAS BEEF panabla sa ANGUS BEEF tunay na “Bakang Pinoy”

Matagal nang kilala ang “Bakang Batangas” o ang katutubong Baka dito sa bansa bilang malasa at masarap kaya lang napabayaan ang sektor ng pag aalaga ng bakang ito dahil sa matagal na nag import ng karne ng baka buhat sa ibayong dagat.

Kamakailan lamang ay inilunsad ang “Angas Beef” “The Filipino Entry to the World Beef industry” sa pangunguna ng Founder ng BV Boer Farms na si Dexter Villamin. Isang dating Overseas Filipino Worker na nagtrabaho bilang Pastry Chef sa Thailand at ngayon ay nag venture sa paghahayupan partikular sa Native na baka na buhat sa kanyang bayan sa Batangas.

Kumpara sa karaniwang pag aalaga sa ating mga katutubong baka na hinahayaan na lamang silang maglaboy sa parang at manginain, habang sa iba naman ay pinakakain sila ng feeds, ang mga bakang inaalagaan nina Villamin ay nasa mga sari-sariling kulungan at pinatataba lamang sa pamamagitan ng pagpapakain dito ng purong damo.

Ayon sa ginanap na pulong balitaang kaakibat nang nasabing paglulunsad, binanggit ni Villamin na mas mura ang “Angas Beef” kaysa mga karne ng baka na ibinibenta sa pamilihan na pawang mga imported at frozen. Ngayon ay kasama na sa Menu ng lahat ng sangay ng Shanrila Hotels ang Angas Beef. 100% grass fed, A Heritage Rediscovered.///Larawan at text ni Michael Balaguer, 09333816694, michaelbalaguer@diaryongtagalog.net