FISHYALAN ng DA-BFAR Binuksan

FISHYALAN ng DA-BFAR Binuksan

Uso na ngayon ang Agri-Tourism o ang fusion ng agrikultura at turismo. Sa bahagi ng paghahayupan at paghahalaman ay matagal na itong naisakatuparan at marami na itong binuhay na agri entreprenyur ngunit sa sektor pangisdaan ay ngayon pa lang.

Nitong January 30 2018 ng Department of Agriculture-Bureau of Fisheries and Aquatic Resources National Inland Fisheries Technology Center sa Tanay Rizal ang FISHYALAN o Pangisdaan at Pasyalan All In One.

Layon ay makalikha ng alternatibong destinasyon pang turismo sabay pagsulong sa pangangalaga ng kalikasan at kabuhayan para sa itinuturing na pinakamahirap na sektor ng lipunan, ang pangisdaan.

Sa pamamagitan ng paghahalo ng makabagong teknolohiya at natural na kasipagan sabay ang kagandahan ng kapaligiran ay maari ng mabuo ang isang progresibong industriya na maaring ituring na ekolohikal turismo.

Kabilang sa mga dumalo sa paglulunsad ay sina DA-BFAR Director Usec. Eduardo C. Gongona, Tanay Rizal Mayor Rex Manuel Tanjuatco, Asec. Josephine David ng Department of Tourism at DA-BFAR Assistant Director Drusila Esther Bayote.///with text and photos by Michael N. Balaguer, 09333816694, michaelbalaguer@diaryongtagalog.net