PRRD SUPPORTERS NAGKAKAISANG INILUNSAD ANG KILUSANG PAGBABAGO

NAGSAMA-SAMA ang mga tagasuporta ng Pangulong Rodrigo Roa Duterte (PRRD)sa ginanap kamakailan na paglulunsad ng “Kilusang Pagbabago”. Pinangunahan ni Engr. Albino Sy at ginanap sa Cuneta Astrodome tinatayang nasa 7,000 katao ang nagsidalo buhat sa ibat ibang kapisanan nila sa buong kalakhang Maynila upang isulong ang mga programa ng Pangulo at upang salagin ang mga maling paratang at puna sa kanilang minamahal na lider.

Kabilang sa mga dumalo ay sina Department of the Interior and Local Government Undersecretary for Barangay Affairs na si Martin Dino, Atty. Larry Gadon, Sandra Cam, DILG Asec Epimaco Densing, Adeline Sy at Arch Butch Baliao at ang kilalang Urban Planner Arch. Felino Jun Palafox at Ms. Lily Lim ng Federation of Filipino Chinese Chambers of Commerce and Industry Incorporated, dating Northern Samar Congressman Emil Ong at Pasay City Mayor Calixto.

Nagkulay pula ang loob ng cuneta astrodome sa suot ng mga tao na tila nanging official color ng administrasyon. Kasama ang mga mamamahayag buhat sa www.diaryongtagalog.net at ang representante ng Davao City Mayor Sarah Duterte-Carpio na nagkaloob ng kanyang talumpati na binasa sa madla. Balak ng Kilusang Pagbabago na palawakin ang kanilang grupo na nagsimula sa kabisayaan at kumalat sa buong bansa upang isulong di lang ang mga kasalukuyang programa ng gobyerno gaya ng laban kontra iligal na droga kundi pati at planong pagbabago ng saligang batas upang isulong ang pederalismo.///michael n balaguer, 09333816694, michaelbalaguer@yahoo.co.uk