❤️
LUNGSOD NG MALOLOS, Bulacan — Sa pamumuno ni Athenie Ramirez Bautista, Tagapangulo ng Damayang Filipino Movement Inc. (DFMI), at sa pakikipagtulungan sa Pamahalaang Panlalawigan ng Bulacan sa ilalim ni Gobernador Daniel R. Fernando na siyang Tagapagtatag ng nasabing samahan, matagumpay na isinagawa ang proyektong Bloodletting and Medical Services noong ika-3 ng Hulyo, 2026 sa Hiyas Convention Center.
Ang makabuluhang gawaing ito ay naglalayong makapagdugtong ng buhay sa pamamagitan ng mga dugong inalay, at magbigay ng bagong pag-asa sa pamamagitan ng mga karagdagang serbisyo. Sa parehong okasyon, masayang naipamahagi rin ang mga sumusunod na tulong:
- Kagamitan sa Pandinig (Hearing Aid) para sa mga may suliranin sa pandinig
- Mga Artipisyal na Binti (Prosthetic Legs) upang magkaroon ng mas malawak na kalayaan at kadaliang kumilos
Bilang resulta ng aktibidad, nakalikom ng kabuuang 157 yunit ng dugo. Mayroon namang 118 na nagnanais magbigay ng dugo ang hindi tinanggap pansamantala alinsunod sa mga pamantayan at alituntunin sa kalusugan at kaligtasan.
Hindi magiging posible ang tagumpay na ito kung wala ang masidhing suporta ng mga katuwang. Lubos ang pasasalamat ng samahan sa mga sumusunod na nakipagtulungan:
- Pamahalaang Panlalawigan ng Bulacan
- Tanggapan ng Kalusugang Panlalawigan (Provincial Health Office o PHO)
- Bulacan Provincial Blood Center
- Mga Samahang Sibil (Civil Society Organizations o CSOs)
- Iba’t ibang ahensya ng pamahalaan
Ang kanilang dedikasyon sa paglilingkod sa kapwa ay tunay na kahanga-hanga at nagpapakita ng wagas na diwa ng bayanihan at pagtutulungan para sa kapakanan ng nakararami.
Maraming salamat sa walang sawang suporta ng lahat. Patuloy tayong magkaisa at magtulungan tungo sa isang mas malusog, mas masigla, at mas aktibong pamayanan.
