“he was barkong at the wrong tree”- iyan ang bahagi ng pahayag ni Bulacan Governor Daniel Fernando sa banat ng isang television / radio personality ukol sa usapin ng Flood Control sa lalawigan kamakailan na nag viral dahil misunderstood.
“wala Pong massive flood control project ang provincial government ng Bulacan gaya ng sa DPWH” hindi makikipag coordinate ang national government sa local, bahagi ng pahayag ng gobernador at kanyang hinaing ukol sa kasagutan nyang “wala syang alam sa usapin ng Flood Control sa lalawigan” dahil nga sa kawalan ng coordination.
lumikha ang provincial government ng resolusyon upang magkaroon ng system of mandatory coordination, Layunin na magkaroon ng isang sistema para ang provincial government ay ma inform sa mga proyektong ginagawa sa Bulacan.
ayon kay Fernando lahat tayo ay May responsibilidad hindi lang an pambansang pamahalaan, probinsya ,bayan o lungsod kaya hindi responsable sa mamamahayag na maghusga at manira. kalakip nito ang opisyal na pahayag ni Gobernador Daniel Fernando ukol sa isyu:
PRESS STATEMENT
PAHAYAG NI GOBERNADOR DANIEL R. FERNANDO UKOL SA VIRAL NA BAHAGI NG PANAYAM AT SA USAPIN NG FLOOD-CONTROL PROJECTS SA BULACAN
MAGANDANG ARAW PO SA ATING MGA KASAMA SA MEDIA AT SA LAHAT NG NATITIPON SA BULWAGAN NGAYONG UMAGANG ITO.
IPINATAWAG KO ANG PRESS CONFERENCE NA ITO UPANG MAILAGAY SA TAMANG KONTEKSTO ANG ISANG BAHAGI NG AKING PANAYAM KAY MR. TED FAILON—AT HIGIT SA LAHAT, UPANG MAIBALIK ANG USAPAN SA MAS MAHALAGANG MGA TANONG NA DAPAT SAGUTIN AT PANAGUTAN SA MAMAMAYANG BULAKENYO PATUNGKOL SA DPWH FLOOD CONTROL ISSUE.
SA NASABING DAGLIANG PHONE INTERVIEW NITONG NAKARAANG AUGUST 20, NAGING VIRAL HOOK ANG TANONG NI MR. FAILON TUNGKOL SA PHP41 BILLION ALLOCATION NG MGA FLOOD-CONTROL PROJECTS NA IPINATUTUPAD NG NATIONAL GOVERNMENT SA BULACAN. ANG NAGING SAGOT KO: “I DON’T KNOW. I HAVE NO KNOWLEDGE ABOUT IT.”
ANG IBIG KO LANG SABIHIN AY SIMPLE: WALA SA AKING HARAPAN ANG KUMPLETO AT EKSAKTONG DATOS NA KAILANGAN UPANG MAKAPAGBIGAY AKO NG RESPONSABLENG SAGOT SA SANDALING IYON. GANUN KASIMPLENG SAGOT NA SA ILANG MINUTO AY SUMAMBULAT SA SOCIAL MEDIA. NAGLABASAN ANG MARAMING KOMENTO, PANLALAIT, SHARE AT RE-SHARE NG VIDEO, MGA AI MEMES PORTRAYING ME AS “CLUELESS,” “IRRESPONSIBLE,” AT KUNG ANU-ANO PANG MASASAKIT NA SALITA.
INAAKO KO NA MAY PRESSURE AKONG NADAMA SA PANAYAM NA IYON. MAAARING HINDI PULIDO ANG PAGKAKASAGOT KO. MAAARING MAS MALINAW KO SANA ITONG NAIPALIWANAG.
PERO ANG PAGSASABING “HINDI KO ALAM” SA ISANG TANONG NA NANGANGAILANGAN NG EKSAKTONG DATOS AY HINDI NANGANGAHULUGANG “WALA AKONG ALAM O WALANG PAKIALAM.”
HINDI RIN ITO PATUNAY NG KAPABAYAAN, PAGIGING IRESPONSABLENG PINUNO, AT LALONG HINDI ITO MAAARING GAWING EBIDENSYA NG PAGKAKASANGKOT SA ANUMANG ANOMALYA.
BASE SA RECORD, UMAABOT SA MAHIGIT ₱41 BILYON ANG PINAG- UUSAPANG FLOOD-CONTROL PROJECTS.
HUMIGIT KUMULANG GANITO ANG NAGING TAKBO NG PAGTATANONG—“GOVERNOR, BILANG GOBERNADOR, ‘DI MO BA NALAMAN MAN LANG ITO? NAROON DING ITANONG N’YA, MAGKANO ANG NATIONAL TAX ALLOCATION NG BULACAN SA HULING TATLONG TAON, MAGKANO ANG PROVINCIAL BUDGET, INFRASTRUCTURE BUDGET… SUNUD-SUNOD… HANGGANG SA MAPUNTA SA FLOOD CONTROL, AT NAG- SEGUE PA NANG SANDALI SA MGA MAYOR NA KAALYADO O HINDI KAALYADO. NAPANOOD NINYONG LAHAT HINDI BA? NIRATRAT NG TANONG NA HINDI KO MALAMAN KUNG ANO ANG TINATAHAK NA DIREKSYON.
ANG MAS MAHALAGANG TANONG SA GANANG AKIN: SAAN NAPUNTA ANG ₱41 BILYON? BAKIT LUBOG PA RIN SA BAHA ANG BULACAN?
IYAN MARAHIL ANG PUNTO NG MGA TANONG NI MR. FAILON. ANG MASASABI KO LANG—HE WAS BARKING UP THE WRONG TREE. KASI IYAN DIN ANG TANONG KO. IYAN ANG TANONG NG BAWAT BULAKENYONG NABUBUHAY SA PANGAMBA NG MALAWAKANG PAGBAHA SA TUWING SASAPIT ANG GANITONG PANAHON. IYAN ANG TANONG NG MGA BAYANG NILALAMON NA NG HIGH TIDE, NG MGA MAGSASAKA, MGA MANGGAGAWANG NATANGGAL NA SA TRABAHO SA DAMI NG ABSENT, MGA NEGOSYANTE AT MGA KOMUNIDAD NA PAULIT-ULIT NA NAAAPEKTUHAN NG PALALA NANG PALALANG PAGBAHA SA BULACAN.
KAYSA TANUNGIN AKO SA ISANG BIGLAANG PANAYAM NG MGA TANONG NA NANGANGAILANGAN NG EKSAKTONG DATOS, ANG MAS MAHALAGANG TANONG AY: SAAN NAPUNTA ANG PONDO? ANO ANG MGA PROYEKTONG PINONDOHAN? ALIN ANG NATAPOS? ALIN ANG HINDI? SINO ANG NAGDISENYO, NAGKONTRATA AT NAGPATUPAD? NAGING EPEKTIBO BA ANG MGA ITO? AT BAKIT, SA KABILA NG BILYUN-BILYONG PISONG GINASTOS, BAHA PA RIN ANG MARAMING BAHAGI NG BULACAN?
HINDI BA IYAN ANG IMBESTIGASYONG ISANG TAON NANG TINUTUTUKAN NG LAHAT? MAY MGA NABANGGIT NA SANGKOT. NAGKAROON NG MGA IMBESTIGASYON AT KUNG ANU-ANO PANG KONTROBERSYA. EH BAKIT SI DANIEL FERNANDO ANG BIGLANG NAGING SENTRO NITO?
GUSTO KO RING LINAWIN—WALANG MASSIVE FLOOD-CONTROL PROJECTS ANG PROVINCIAL GOVERNMENT OF BULACAN NA KATULAD NG SA DPWH. ANG NASABING PHP 41 BILLION FLOOD-CONTROL PROJECTS SA BULACAN AY WALA SA DIREKTANG KONTROL NG GOBERNADOR. ANG MGA ITO AY PINOPONDOHAN, PINAPLANO, KINOKONTRATA AT IPINATUTUPAD NG MGA AHENSYA NG NATIONAL GOVERNMENT.
SA AKING PARTE AY MATAGAL KO NANG PANAWAGAN: KAILANGAN NG MAS MAAYOS NA KOORDINASYON AT TRANSPARENCY SA PAGITAN NG NATIONAL GOVERNMENT, MGA IMPLEMENTING AGENCIES AT MGA LOKAL NA PAMAHALAAN.
PAANO MAGIGING BAHAGI NG ISANG TUNAY NA INTEGRATED FLOOD-CONTROL SOLUTION ANG LALAWIGAN KUNG KULANG ANG IMPORMASYON TUNGKOL SA MGA PROYEKTONG GINAGAWA SA SARILI NITONG TERITORYO? HINDI ITO SIMPLENG USAPIN NG NUMERO. USAPIN ITO NG PLANNING, ENGINEERING, ACCOUNTABILITY AT RESULTA.
ANG RECORD MISMO NG PAMAHALAANG PANLALAWIGAN AY NAGPAPAKITA NA MATAGAL NA NATING KINIKILALA AT TINUTUGUNAN ANG PROBLEMA NG KAKULANGAN SA KOORDINASYON. SA PAGLIPAS NG MGA TAON, NAGLATAG TAYO NG MAGKAKASUNOD NA HAKBANG—MULA SA PAGBUO NG ISANG INTEGRATED PLAN, PATUNGO SA MAS MAHIGPIT NA REVIEW AT DOCUMENTATION, HANGGANG SA PAGTATATAG NG ISANG PERMANENTENG SISTEMA NG COORDINATION, MONITORING AT VALIDATION.
NOONG 2023, SA PAMAMAGITAN NG EO 22 (S. 2023), ITINULAK NATIN ANG ISANG INTEGRATED FLOOD CONTROL AND DRAINAGE PLAN FOR BULACAN—ISANG MAS KOMPREHENSIBO AT MAGKAKAUGNAY NA APPROACH SA MATAGAL NANG PROBLEMA NG PAGBAHA SA LALAWIGAN.
PAGSAPIT NG 2025, EO 16-B (S. 2025) NAMAN ANG NAGPALAKAS NG ACCOUNTABILITY SA PAMAMAGITAN NG PAG-REQUIRE NG REVIEW AT DOCUMENTATION NG FLOOD-CONTROL PROJECTS.
NGUNIT NAKITA NATIN NA HINDI PA RIN SAPAT ANG REVIEW LAMANG. KAILANGAN ANG ISANG PORMAL AT SISTEMATIKONG MEKANISMO NG
KOORDINASYON. KAYA SA PAMAMAGITAN NG EO 22 (S. 2025), NILIKHA NATIN ANG PROVINCIAL INFRASTRUCTURE COORDINATING COUNCIL AT NAG-REQUIRE SA NATIONAL GOVERNMENT AGENCIES AT CONTRACTORS NA MAGKAROON NG MAAYOS AT SISTEMATIKONG COORDINATION SA PROVINCIAL GOVERNMENT BAGO AT HABANG IPINAPATUPAD ANG KANILANG INFRASTRUCTURE PROJECTS SA BULACAN.
AT UPANG HINDI LAMANG ITO MAGING PAMINSAN-MINSANG KOORDINASYON, SA PAMAMAGITAN NG EO 23 (S. 2025), ININSTITUTIONALIZED NATIN ANG SYSTEM OF MANDATORY COORDINATION, MONITORING, VALIDATION, AND ACCEPTANCE OF NATIONAL GOVERNMENT INFRASTRUCTURE PROJECTS BEING IMPLEMENTED IN THE PROVINCE.
ANG LAYUNIN NG MGA ITO AY MALINAW: MAGKAROON NG ISANG SISTEMA UPANG ANG PROVINCIAL GOVERNMENT AY PROPERLY INFORMED, CONSULTED, AND INVOLVED SA MGA PROYEKTONG IPINATUTUPAD SA LOOB MISMO NG BULACAN.
KAYA KUNG ANG TANONG AY NAKITA BA NATIN ANG PROBLEMA NG KAKULANGAN SA KOORDINASYON—ANG SAGOT AY OO. AT HINDI LANG NATIN ITO NAKITA. GUMAWA TAYO NG MGA KONKRETONG HAKBANG UPANG ITAMA ITO.
HINDI KO INAANGKIN NA PERPEKTO ANG AKING PAMUMUNO.
AKO AY SIMPLENG TAO NA NAATANGAN NG HINDI PANGKARANIWANG RESPONSIBILIDAD. HINDI AKO PALAGING PULIDONG MAGSALITA. PRANGKA AKO. MAY PAGKAKATAONG HINDI KO AGAD NAHAHANAP ANG PINAKAMAINAM NA SALITA, LALO NA SA ISANG BIGLAANG PANAYAM. PERO HINDI MAKATARUNGAN NA GAWING SUKATAN NG INTEGRIDAD AT BUONG PAGKATAO ANG ILANG SEGUNDONG SAGOT SA ISANG VIRAL CLIP.
MAS MAKATARUNGANG TINGNAN NINYO ANG AKING GINAWA AT GINAGAWA BILANG GOBERNADOR. SA MGA TAON NG AKING PAGLILINGKOD, ARAW-ARAW NATING HINAHARAP ANG MGA TUNAY NA PROBLEMA NG BULACAN—PAGBAHA AT DISASTER RESPONSE, KALUSUGAN AT ATING MGA PAMPUBLIKONG OSPITAL, KABUHAYAN, AGRIKULTURA, EDUKASYON, IMPRASTRAKTURA, PANGANGALAGA SA KALIKASAN, AT KAPAKANAN NG MGA PAMILYANG BULAKENYO.
DOON SA ISA PANG PANAYAM, SINABI NAMAN NA SINISI KO DAW ANG TAO PATUNGKOL SA SULIRANIN NG PAGBAHA. MASAMA PO BA NA MABANGGIT NG ISANG LIDER ANG SHARED RESPONSIBILITY NG BAWAT ISA? MASAMA BANG OPINYON NA LAHAT TAYO AY BAHAGI NG PROBLEMA AT BAHAGI RIN NG SOLUSYON?
HINDI BAGO SA AKIN ANG PAKIKIBAKA LABAN SA PAGBAHA SA BULACAN. MATAGAL KO NANG SINASABI NA HINDI SAPAT ANG PAISA-ISANG FLOOD-CONTROL PROJECT. HINDI NATIN MALULUTAS ANG ISANG MALAWAK AT MAGKAKAUGNAY NA PROBLEMA SA PAMAMAGITAN NG MGA PROYEKTONG HIWA-HIWALAY, KULANG SA KOORDINASYON, AT WALANG DIREKSYON.
ANG KAILANGAN NG BULACAN AY ISANG INTEGRATED, SCIENCE-BASED AT LONG-TERM FLOOD-CONTROL SOLUTION. ITO ANG DAHILAN KUNG BAKIT PATULOY KONG SINALIKSIK AT NGAYON AY ISINUSULONG ANG PAGBUHAY SA MATAGAL NANG PANGARAP NG ATING DAKILANG KABABAYANG SI GAT BLAS F. OPLE—ANG ISANG MALAWAK NA COASTAL ROAD-DIKE AT FLOOD-DEFENSE SYSTEM SA KAHABAAN NG MANILA BAY, NA MAG-UUGNAY AT MAGBIBIGAY-PROTEKSYON SA MGA BAYBAYING LALAWIGAN MULA BATAAN, PAMPANGA AT BULACAN PATUNGO SA CAVITE.
NOON PA MANG DEKADA 1970, NAKITA NA NI KA BLAS ANG PANGANIB NG HIGH TIDE AT PATULOY NA PAGBAHA SA ATING MGA BAYBAYING BAYAN, LALO NA SA PINAKAMAMAHAL NIYANG BAYAN NG HAGONOY. MAHIGIT LIMAMPUNG TAON (50) NA ANG NAKALIPAS, NAKITA NA NIYA ANG PROBLEMANG KINAKAHARAP NATIN NGAYON.
KAYA NAMAN TAYO AY BINIGYANG PAG-SA NG PANANAW NI KA BLAS, AT KASAMA ANG MGA GOBERNADOR NG PAMPANGA AT BATAAN, NANAWAGAN TAYO SA NATIONAL GOVERNMENT NA BUHAYIN AT MAISAKATUPARAN ANG MANILA BAY INTEGRATED FLOOD CONTROL, COASTAL DEFENSE AND EXPRESSWAY PROJECT—ISANG PANGMATAGALANG SOLUSYON NA HINDI LAMANG PROTEKSYON LABAN SA BAHA AT HIGH TIDE, KUNDI MAAARI RING MAGSILBING MAHALAGANG IMPRASTRAKTURA PARA SA TRANSPORTASYON AT KAUNLARAN NG BUONG REHIYON.
ITO ANG DAPAT NATING PINAG-UUSAPAN AT SAMA-SAMANG IPINAPANAWAGAN. SA HALIP NA MGA AI PHOTOS NG ISANG GOBERNADOR NA TILA BA PILIT NA INUUGNAY SA ISYU NG ANOMALYANG HINDI SIYA ANG MAY KAGAGAWAN.
HINDI KO SINASABING NALUTAS NA NATIN ANG LAHAT. MALAYO PA.
PERO HINDI RIN MAKATARUNGAN NA BURAHIN NG ILANG SEGUNDONG VIRAL VIDEO ANG MARAMING TAON NG ATING TRABAHO, SAKRIPISYO AT TAHIMIK NA PAGLILINGKOD SA LALAWIGANG ITO.
HUWAG NAMAN NINYO AKONG HUSGAHAN SA PARAAN LAMANG NG PAGSASALITA. HUSGAHAN NINYO AKO SA AKING TRABAHO, SA AKING MGA DESISYON, SA AKING PANININDIGAN, AT SA AKING PAGLILINGKOD SA MAMAMAYANG BULAKENYO.
SA ATING MGA KASAMA SA MEDIA, MALAKI ANG RESPETO KO SA MALAYANG PAMAMAHAYAG. MAY KARAPATAN ANG MEDIA NA
MAGTANONG—KAHIT MAHIRAP, MATALIM AT HINDI KUMPORTABLE ANG MGA TANONG. BILANG HALAL NA OPISYAL, TUNGKULIN KONG HUMARAP, SUMAGOT AT MANAGOT SA MAMAMAYAN. AT KAPAG MAY PAGKUKULANG ANG PAMAHALAAN, TUNGKULIN NG MEDIA NA ILANTAD IYON.
PERO NANINIWALA RIN AKO NA KAAKIBAT NG KAPANGYARIHANG MAGTANONG ANG RESPONSIBILIDAD NA MAGING PATAS SA KONTEKSTO, EBIDENSYA AT KATOTOHANAN.
PUBLIC OFFICIALS MUST BE ACCOUNTABLE. BUT MEDIA MUST BE ACCOUNTABLE, TOO. KAILANGAN NATIN ANG MALAYANG PAMAMAHAYAG NGAYON HIGIT KAILANMAN. KAILANGAN NATIN ANG MGA MAMAMAHAYAG NA HINDI NATATAKOT MAGTANONG.
PERO ANG KAILANGAN NATIN AY LEGITIMATE AT ETHICAL JOURNALISM NA HINDI LAMANG NAGHAHANAP NG VIRAL MOMENT, KUNDI NAGHAHANAP NG BUONG KATOTOHANAN.
AT SA PUNTONG ITO, KAILANGAN NATING BUMALIK SA MAS AGARANG TUNGKULIN NG ISANG GOBERNADOR. ANG BULACAN AY NASA ILALIM NG STATE OF CALAMITY DAHIL SA MALAWAKANG PAGBAHA. MAY MGA PAMILYANG APEKTADO, MGA KOMUNIDAD NA KAILANGAN NG TULONG, AT MGA SERBISYO NG PAMAHALAAN NA KAILANGANG PATULOY NA MAIHATID.
MAHALAGA ANG PAGPAPALIWANAG NA ITO. PERO MAS MAHALAGA ANG TRABAHONG NAGHIHINTAY SA ATIN PAGKATAPOS NG PRESS CONFERENCE NA ITO.
AT ITO ANG HULING PAKIUSAP KO. SA PANAHON NG SOCIAL MEDIA, NAPAKADALING MAGPAHAYAG ANG KAHIT SINO AT MAKABUO NG HINDI MAKATARUNGANG PAGHUHUSGA NG WALANG BASEHAN.
PERO TANUNGIN NATIN ANG ATING MGA SARILI: NAKATULONG BA IYON UPANG MAWALA ANG BAHA? NAKATULONG BA IYON UPANG MALAMAN KUNG SAAN NAPUNTA ANG ₱41 BILYON? NAKATULONG BA IYON UPANG MAKABUO TAYO NG PANGMATAGALANG SOLUSYON?
KUNG HINDI, BAKA PANAHON NANG IBALIK NATIN ANG USAPAN KUNG SAAN TALAGA ITO DAPAT NAKATUON.
DAHIL ANG GANITONG URI NG SOCIAL MEDIA ENVIRONMENT—KUNG SAAN MAS MABILIS ANG PAGHATOL KAYSA PAGHAHANAP NG KATOTOHANAN, MAS MALAKAS ANG INGAY KAYSA EBIDENSYA, AT MAS PINAPAHALAGAHAN ANG VIRAL CONTENT KAYSA SOLUSYON—AY HINDI NAKATUTULONG SA PAGLUTAS NG PROBLEMA.
SA HALIP, NAGDUDULOT ITO NG IBAYONG KAGULUHAN AT LALO PANG PAHIRAP SA ATING MGA KABABAYAN. ANG KAILANGAN NATIN AY KATOTOHANAN, PANANAGUTAN, PAGKAKAISA, AT ISANG MALINAW AT PANGMATAGALANG SOLUSYON. KAHIT ANONG HIRAP, KAHIT PARANG WALANG PAG-ASA, KAYA NATIN ITO KUNG TAYO AY MAGTUTULUNGAN.
MARAMING SALAMAT PO SA INYONG PAGPAPAUNLAK SA UMAGANG ITO. PATNUBAYAN NAWA NG PANGINOON ANG PINAKAMAMAHAL NATING LALAWIGAN NG BULACAN.
###
